TETRICUS Senior Cajus Pesuvius dictus

TETRICUS Senior Cajus Pesuvius dictus
populi Romani Senator, cum praeses in Gallia esset, ad capessendum imperium instigatus est, a Victorina. Augustum itaque eum appellari fecit, filiumqueve eius Caesarem nuncupavit, mortuô Victorinô eiusque filiô. Tandem cum multa feliciter gessisset, ab Aureliano victus an sponte se ei permittens; et in triumphum ductus, postea tamen Italiae praefectus, et in summa dignitate collocatus est ab ipso Aureliano, pudore victô. Filius eius cognominis, similiter triumphi pars fuit, postea in Senatum admissus tranquillus omnibusqueve aestimtus reliquum vitae exegit. Trebellius Pollio, de 30. tyrann. c. 23. et 24. Vopiscus in Aureliano, c. 39. Coeterum, Tetricorum dômus --- in monte Caelio inter duos lucos, contra Isium Metellinum, pulcherrima, in qua Aurelianus pictus est, utrique praetextam tribuens et Senatoriam dignitatem, accipiens ab his sceptrum, coronam, cyclum, picta omnia de Musco, memoratur Treb. Pollioni in Tetrico Iun. c. 25. ubi, quum hanc domum dedicâsset Aurelianus, ab utroque Tetrico convivio adhibitum, addit.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.